30 июньдә Түбән Камада хоккейчы Михаил Сергачев белән очрашу була

30 июньдә Түбән Каманың «Нефтехим Арена» спорт-мәдәни комплексында хоккейчы Михаил Сергачев белән очрашу була.

Бу хакта мәгълүмат «Вконтакте» социаль челтәрендә «Сергачев секторы» төркемендә басылып чыкты.

Түбәнкамалылар хоккейчы белән шәхсән аралаша, автограф ала һәм фотога төшә алачак.

Очрашу 18.30да башлана.

Исегезгә төшерәбез, Михаил Сергачев «Нефтехимик» спорт мәктәбе тәрбияләнүчесе, НХЛ клубы «Тампа — Бэй лайтнинг» ның яклаучысы, шулай ук ике тапкыр Стэнли Кубогын яулаган спортчы.