30 августта Түбән Камада хәйрия ярышы узачак

Түбән Камада 30 августта, Республика көнендә, хәйрия фестивале кысаларында йөгереш узачак.

Йөгерештә теләгән һәркем катнаша ала. Дистанция 3 километр. Ярыш «Гаилә» шәһәр паркында узачак.

Барлык җыелган акчалар ярышның партнерлары булган хәйрия фондлары һәм оешмалары арасында бүленәчәк. Ярышларга теркәлү 9:30да башлана.

Исегезгә төшерәбез, ярышлар хәйрия фестивале кысаларында узачак. Чараның программасы белән монда танышырга мөмкин.