Түбән Камада 12 апрельдә 10 мең адымлык массакүләм йөреш уздырылачак

12 апрельдә Түбән Камада «Тормышка 10 000 адым» дип аталган язгы сәламәтләндерү акциясе узачак. Катнашучыларны сәгать 10да «Гаилә» паркындагы сәхнә янында көтәләр.

Дистанциягә чыгар алдыннан чараны оештыручылар зумба буенча дәртләндергеч тренировка, балалар өчен уеннар һәм күңел ачулар үткәрәчәк. Шулай ук тәмәке тартудан баш тарту мәйданчыгы эшләячәк, анда түбәнкамалылар тәмәке яки вейпларны фитнес-үзәккә йөрүгә алыштыра алачак.

Старт 10:50 гә планлаштырылган. Финишта катнашучыларга файдалы десерт бүләк ителәчәк.

Акциядә һәркем катнаша ала.

«Тормышка 10 000 адым» Бөтенроссия акциясе Бөтендөнья сәламәтлек саклау оешмасының кешенең физик активлыгын саклап калу өчен көненә 6-10 мең адым узарга киңәш итүенә нигезләнгән.