Түбән Кама табибы олы яшьтәге кешеләр өчен сәламәт туклану буенча киңәшләр бирде

Түбән Камада 50 яшьтән узган кешеләр өчен тәмле һәм сәламәт ризык турында лекция узды.

Шәһәр сәламәтлек саклау хезмәте хәбәр иткәнчә, аны медицина профилактикасы буенча табиб Александра Скрипко үткәргән.

Табиб сүзләре буенча, 50 яшьтән соң дөрес туклану сәламәтлекне саклау өчен аеруча мөһим роль уйный. Ризык тиз эшкәртелә торган, ашказаны-эчәк тракты эшен уртача стимуллаштыручы, төрле майлар, протеиннар, углеводлар һәм витаминнар белән балансланган булырга тиеш.

Өстәвенә, өлкән яшьтәгеләрдә сөякләрнең ныклыгы кими, һәм монда баланслы туклану мөһим роль уйный.

Чарага утызлап кеше килде, аларның һәрберсе кызыклы сораулар бирә һәм белгечтән киңәшләр ала алды.