Түбән Кама поликлиникасында кан басымы югары булган кешеләр өчен махсус дәресләр узачак

Түбән Каманың 1 нче поликлиникасында артериаль гипертония белән авыручылар өчен берничә чара узачак. Бу хакта Түбән Кама үзәк хастаханәсе матбугат хезмәте хәбәр итә.

23 майда үзәк район хастаханәсе белгечләре югары кан басымы булганда туклану үзенчәлекләре турында сөйләячәк. 

30 майда табиблар инсульт һәм йөрәк өянәген кисәтү буенча киңәш бирәчәкләр. 

6 июньдә «Физик активлык һәм сәламәтлек» темасына дәрес узачак.

Барлык дәресләр дә Менделеев урамы, 46 адресы буенча актлар залында узачак. 

Башлана: 9 сәгатьтә.