Яңа микрорайон яшәүчеләренә наркотик таратучылар тынгылык бирми

Әфьюн таратып йөрүче курьерлар аларны, яшерен урыннарга качырып куялар икән, наркотикларны алырга килүчеләр, матдәне эзләп ишек кыекларын каералар. Полицейскийлар аларны җинаять өстендә тота алмый, ә менә яңа төзелгән йортларда яшәүчеләр бу проблемалардан ничек котылырга кирәклеген белә.

Түбән Кама халкы әлеге проблеманы хәл итүне йортны “Куркынычсыз шәһәр” системасына кертүләрендә күрәләр. Видеокүзәтү камералары булу, алар фикеренчә, ишегалдында тәртип сакларга ярдәм итәчәк. Әгәр оператив рәвештә моны эшләп булмый икән, йогынты ясауның тагын бер ысулы бар – кешеләргә, ишегалларының начар яктыртылуына зарланып мөрәҗәгать язырга кирәк. Караңгы ишегалды, кырын эш башкаручыларны үзенә җәлеп итеп тора.

Бер ишегалдында проблеманы ничек хәл итәргә дип уйлаган арада, калганнарында яшәүчеләргә дә уяу булырга кирәк. Подъездда, йорт яки ишегалдында шикле кешеләрне күрсәгез, кичекмәстән полициягә мөрәҗәгать итегез.