Түбәнкамалыларга 27 нче микрорайондагы променадның нинди булачагын хәл итәргә тәкъдим итәләр

Пәнҗешәмбе, 24 августта Түбән Каманың 27 нче микрорайонында булачак променад проекты буенча фикер алышу узачак. Шәһәрлеләр белән очрашу 31 нче мәктәптә оештырыла, дип хәбәр итә мэриянең матбугат хезмәте.

Яңа җәмәгать киңлеге киләсе елда барлыкка киләчәк һәм «Нефтехимиклар» паркыннан Чулман урамына кадәр сузылачак. Променад дәүләт хезмәтләре порталында узган гомумхалык тавыш бирүендә җиңде. Күпчелек түбәнкамалылар бу вариант өчен тавыш бирде.

Очрашу 18:00 сәгатьтә башлана.

Фотода булачак променад.