Түбән Каманың кайбер йортларында җәй ахырына кадәр кайнар суны сүндерәчәкләр

Җылылык челтәрләрен реконструкцияләү аркасында 

Түбән Камада Студентлар, Корабельная һәм Химиклар урамнарындагы кайбер йортларда 1 нче тепловодның магистраль җылылык челтәрләрен реконструкцияләү сәбәпле, август ахырына кадәр кайнар суны сүндерәчәкләр.

6 августтан 31 августка кадәр Корабельная урамындагы участокта демонтаж һәм монтаж эшләре башкарылу сәбәпле теплоноситель сүндереләчәк, дип хәбәр итә администрациянең матбугат хезмәте.

Кайнар су Студентлар урамындагы 25, 27, 27а, 29, 29а, 31, 35 нче йортларда, Корабельная урамындагы 36, 38, 40, 30 йортларында, Химиклар проспектындагы 31нче йортта, шулай ук 23нче мәктәптә, индустриаль техникумда, технологик көллияттә, наркодиспансерда, тире авырулары диспансерында, айныткычта булмый.