Түбән Каманың яр буенда яңа сувенир кибетләре һәм фудтраклар барлыкка килергә мөмкин

Түбән Камада киләсе елда Кама яр буендагы сәүдә нокталары санын арттырырга планлаштыралар.

Бизнесменнар өчен гаризалар кабул итү ачык инде, дип сөйләде Түбән Кама районының эшкуарлыкка ярдәм итү һәм үстерү бүлеге башлыгы Илнар Сираев.

«Күпләр яр буенда утырып ашарлык, сатып алырлык урын юк, диләр. Киләсе сезонга без яхшы әзер булырбыз дип ышанам. Мин татлы мамык, кукуруз, туңдырма, азык-төлек, урам кафесы, прокатларны кайда куярга мөмкинлеген билгеләп үттем», — ди Сираев.

Түбәнкамалылар шулай ук яр буе үсеше буенча үз идеяләрен тәкъдим итә ала.

Фото: Руслан Исламов