Түбән Камада Вахитов проспекты буенча юлны капиталь ремонтлый башладылар

Түбән Камада 24 апрельдән Вахитов проспектында төзелеш-монтаж эшләре башланды. Бу хакта шәһәр төзелеше департаментының матбугат хезмәте хәбәр итә.

Юлны Соболековская урамыннан алып Химиклар һәм Вахитов проспектлары киселешендәге боҗрага кадәр яңартачаклар.

«Эш алып барыла торган участокларда машина йөртүчеләрдән юл хәрәкәте кагыйдәләрен һәм юл билгеләре таләпләрен үтәүләрен сорыйбыз», — дип ассызыкладылар матбугат хезмәтендә.