Түбән Камада уртача хезмәт хакы якынча 20 процентка арткан һәм 78,5 мең сум тәшкил иткән

Түбән Камада эре һәм урта предприятиеләр буенча уртача хезмәт хакы 19 процентка артты.

Хәзер ул 78,5 мең сум тәшкил итә, ә район буенча — 65 мең сум, дип белдерде Түбән Кама муниципаль районы башлыгы, Түбән Кама мэры Рамил Муллин ТР Рәисе Рөстәм Миңнехановка ясаган докладында.

Муллин сүзләренчә, хәзер районда берничә мөһим инвестицион проект гамәлгә ашырыла.

«Узган ел безгә шуны аңлатты: без яңа чынбарлыкта яшәргә өйрәнергә тиешбез, бу һәркем өчен һәм беренче чиратта безнең территориянең идарә итү командасы өчен җитди сынау булды», — дип сөйләде Түбән Кама муниципаль районы башлыгы.