Түбән Камада торак йортларның 97 проценты җылыту сезонына әзер

Түбән Кама муниципаль районы җылыту сезоны башлануга әзерләнә. Барлык социаль әһәмиятле объектлар кышка әзер дип табылган инде. 1 013 күп фатирлы йортның 987се шундый статус алган.

«Бүгенгә 26 йорт җылыту сезонына әзер түгел. Аларның 24ендә капиталь ремонт тәмамланмаган, тагын ике йортта билгеле бер проблемалар бар: ишегалдында казу эшләре бара, халык вәкилләре бу эшләр тәмамланганчы кул куймыйлар. Ягъни йорт әзер, әмма йорт янында «Татэнерго» эшләре алып барыла. Димәк, халык бу актны эшләр тәмамлангач имзаларга тели», — дип ачыклык кертте Вадим Бровко.

Шулай итеп, Түбән Кама районының 1 280 объекты җылыту сезонына әзер. Аларның 293е — социаль объектлар, калганнары — күпфатирлы йортлар.