Түбән Камада торак йортлар, мәктәпләр һәм бакчалар вакытлыча җылысыз калачак

1 ноябрь көнне Түбән Каманың Шинчылар проспектында җылылык челтәре участогында ремонт эшләре башкарылачак.

Шуның белән бәйле рәвештә 9:00 сәгатьтән 14:00 сәгатькә кадәр торак йортларда җылыту ихтыяҗлары өчен җылылык энергиясен тапшыру һәм кайнар су бирү вакытлыча туктатылачак:

• Менделеев урамы, 24а, 32, 32б, 34, 36, 36а;
• Шинчылар проспекты, 46, 47, 51, 53, 55, 56, 57, 61, 63, 64/29, 66, 67, 69, 75, 81;
• Лесная урамы, 27;
• Химиклар проспекты, 81/24, 83, 87, 95, 97, 99.

Моннан тыш, 35, 49, 66, 68, 70, 17, 25нче балалар бакчаларында, ДЮСШ-3тә, кан салу станциясендә, хатын-кызлар консультациясендә, эколого-биологик үзәктә, «Лента» һәм «Стройбум» гипермаркетларында кайнар су һәм җылы булмаячак.