Түбән Камада театраль программалы китап фестивале узачак

Түбән Камада җәйге китап фестивале узачак. Ул 30 һәм 31 августта Лемаев скверында үткәрелә.

Чара кунаклары өчен Россиянең төп бәйсез нәшриятлары катнашында китап ярминкәсе, лекцияләр, фикер алышулар, китап презентацияләре һәм кино күрсәтүләр сериясе белән белем бирү программасы, шулай ук бөтен ил нәшриятларыннан һәм рәссамнарыннан балалар өчен мастер-класслар әзерләнгән.

Моннан тыш, фестивальдә үзләрен рәсем сәнгатендә сынап карарга теләүчеләр өчен воркшоплар, заманча рәссамнар һәм иллюстраторлар резиденцияләре каралган. Моннан тыш, MOÑ шәһәрдәшләр театрыннан махсус проектлар һәм театр программасы булачак.