Түбән Камада шәһәр музее каршындагы трамвай юлларын ремонтлыйлар

Түбән Камада трамвай юлларын карап тоту буенча планлы сезонлы эшләр алып барыла. Бу хакта шәһәр һәм район хакимиятенең матбугат хезмәте хәбәр итә.

Язгы тикшерү нәтиҗәләре буенча шпалларны алыштыру таләп ителә торган участоклар ачыкланды.

«Шпалларны төрле участокларда алыштыралар. Бүген шәһәр музее каршындагы трамвай юлында эшләр бара. 60 данә шпала алмаштырылырга тиеш», — дип хәбәр итте Түбән Кама муниципаль районының башкарма комитеты җитәкчесе урынбасары Рафаэль Игътисамов.

Критик участоклар ачыкланган саен, эшләр дәвам ителәчәк.