Түбән Камада шәһәр яны маршрутларында йөрү бәясе артты

Февральдән Түбән Камада шәһәр яны автобусларында йөрү бәясе артты. Бу хакта «Түбән Кама ПАТП» хәбәр итә.

Арту 20 процент тәшкил итте. Түбән Кама районы буенча йөрүче автобусларга бәяләр берничә ел элек күтәрелгән иде.

Әйтик, 1 февральдән Кама Аланы поселогына кадәр бару бәясе 126 сум тора (элек билет бәясе 105 сум иде).

Елантауга бару өчен билет бәясе — 211 сум, ә Благодатная — 203 сум.

Исегезгә төшерәбез, 2023 елның беренче гыйнварыннан Түбән Каманың җәмәгать транспортында йөрү бәясе 30 сумга кадәр күтәрелгән иде.