Түбән Камада Нефтьчеләр көнендә Тынычлык проспекты участогы ябылачак

Шимбә көнне, 26 августта, Түбән Камада Нефтьчеләр көненә багышланган бәйрәм уңаеннан Тынычлык проспектында транспорт хәрәкәте чикләнәчәк.

13 сәгатьтән 22 сәгатькә кадәр юлның Тынычлык проспекты — Төзүчеләр проспекты боҗрасыннан Тынычлык проспекты — Җиңүнең 30 еллыгы урамы (ике як та) киселешенә кадәр участогы ябылачак, дип хәбәр итә хакимиятнең матбугат хезмәте.

Исегезгә төшерәбез, бәйрәм чаралары, шул исәптән концерт, Тынычлык проспектында төзелә торган Боз аренасы янында («Эссен» сәүдә үзәге каршындагы мәйдан) узачак.