Түбән Камада музыка көллиятен капиталь ремонтлауга 131 миллион сум акча җибәреләчәк

Түбән Камада Салих Сәйдәшев исемендәге музыка көллиятен төзекләндерүгә 131 миллион сум акча юнәлдерелә.

Тиешле тендер дәүләт сатып алулары сайтында урнаштырылган.

Документ мәгълүматларыннан күренгәнчә, бинада канализация, суүткәргеч, җылыту һәм вентиляция системалары алыштырылачак. Моннан тыш, яңа җиһазлар һәм инвентарь сатып алыначак. 

Проектның заказчысы булып ТР Главстрой тора. Эшләр агымдагы елның декабренә кадәр тәмамланырга тиеш.