Түбән Камада кеше йөзләрен һәм машина номерларын таный торган 25 видеокүзәтү камерасы урнаштырдылар

Түбән Камада халык күп булган урыннарында, шәһәргә керү һәм аннан чыгу урыннарында һәм югары трафиклы юл участокларында видеокүзәтү камералары урнаштыру дәвам итә.

Эшләр «Имин шәһәр» программасы буенча алып барыла. Май аеннан Түбән Камада 25 камера урнаштырылган инде.

Видеоконтроль системасы кеше йөзләрен һәм транспорт чараларының дәүләт теркәү билгеләрен танырга мөмкинлек бирә. Быел Түбән Каманың 47 участогында барлыгы 129 камера урнаштырырга планлаштыралар, дип хәбәр иттеләр мэриядә.