Түбән Камада яңа ел чыршыларына бәяләр билгеле булды

НТР 24 корреспонденты Түбән Каманың чыршы базарларында бәяләрне белде.

Урман гүзәлен быел да 600-2000 сумга алып булачак. Узган ел белән чагыштырганда бәяләр элеккечә калды.

Хәзер нигездә нарат агачларын саталар, аларны Чиләбедән алып киләләр. 

Исегезгә төшерәбез, шәһәрдә җиде чыршы базары эшли: «Эссен» сәүдә үзәкләре, «Лента» гипермаркеты, «Комета» ҖЧҖ Авыл хуҗалыгы ярминкәсе янында, «Аркада», «Шатлык», «Бызовский» базарында.