Түбән Камада «Дружба» спорткомплексының фасадын тышлый башладылар

Түбән Каманың «Дружба» спорт комплексында реконструкция дәвам итә.

Хәзер эшчеләр фасадны тышлый башлады. Шулай ук бинаның эчке бизәлеше буенча эшләр алып барыла, дип хәбәр итә шәһәр мэриясенең матбугат хезмәте.

Исегезгә төшерәбез, ремонт ел башында башланды. «Дружба» да футбол кыры япмасын алыштырачаклар, җиңел атлетика юлларын төзекләндерәчәкләр. Комплекс янында яңа парковка барлыкка киләчәк.

Моннан тыш, янәшәдә квартал эчендәге юл ремонтланачак һәм җәяүлеләр юлы да төзекләндереләчәк.