Түбән Камада Бакый Урманче урамындагы юлга капиталь ремонт ясыйлар

Түбән Камада Баки Урманче урамында юлга капиталь ремонт ясыйлар. Моннан бер көн алдан белгечләр тузган катламны фрезерлау эшләрен башлады, дип хәбәр иттеләр мэриядә.

Алга таба эшчеләр асфальт-бетон катнашмасыннан юл япмасын сала башлаячак.

Шуны да искәртик: Түбән Камада Тынычлык проспектындагы боҗрада, шулай ук Вокзал урамында юлны капиталь ремонтлау дәвам итә. 

Быел барлыгы 10 километрдан артык юл капиталь ремонтланачак. Бу максатларга 2 млрд сумнан артык акча бүлеп бирелгән.

Фото: Түбән Кама мэриясенең матбугат хезмәте