Түбән Камада агачларны санитар кисү эшләре дәвам итә

Түбән Камада агачларны санитар кисү буенча эш дәвам итә. Бу эшкә «Комплекслы төзекләндерү предприятиесе» хезмәткәрләре җәлеп ителгән.

Белгечләр, яшәртү максатыннан, агач-куакларның очларын тәртипкә китерәләр, шулай ук кипкән һәм авария куркынычы тудырган агачларны кисәләр.

«Мондый чаралар халыкның иминлеген тәэмин итү өчен кирәк. Мәсәлән, көчле җил, давыллы яңгыр вакытында агачлар электр чыбыкларына төшеп, электр энергиясе белән тәэмин итүдә өзеклекләр килеп чыкмасын өчен, электр линияләре янында үскән агачларның корыган ботакларын кисәбез», — диләр эшчеләр.