Түбән Камада 58 яңа эскәмия урнаштырылачак

Түбән Камада Төзүчеләр проспекты буйлап яңа эскәмияләр урнаштыра башладылар. Бу хакта Түбән Кама башкарма комитеты җитәкчесе хәбәр итә.

Һәр утыргыч арасындагы ара якынча йөз метр тәшкил итә. Уңайлы булсын өчен, эскәмияләр яктырту фонарьлары булган урыннарда урнаштырылачак.

Барлыгы 58 яңа эскәмия куела. Алар төрле: терәлеп утыра торган һәм терәлми торган. Шулай ук бу утыргычлар янәшәсендә чүп савытлары да куелачак. 

Хәзер КПБ МУП белгечләре эскәмияләр урнаштыра, шуннан соң барлык утыргыч та анкерлар белән беркетеләчәк.

Видеодан скриншот