Түбән Камада 43 нче балалар бакчасы капиталь ремонтланачак

Быел Түбән Камада 43нче «Мишутка» балалар бакчасына капиталь ремонт ясалачак. Мәктәпкәчә учреждение 1980 елда ачылган. Ул 220 балага исәпләнгән, дип хәбәр итә мэриянең матбугат хезмәте.

Ремонт кысаларында демонтаж, бизәү эшләре, тәрәзәләрне, ишекләрне һәм инженерлык челтәрләрен алыштыру, шулай ук фасадны яңарту планлаштырыла. Шулай ук бакчада азык-төлек блогын һәм кер юу бүлмәсен реконструкцияләү, шулай ук яңа җиһазлар сатып алу күздә тотыла. Урам верандаларын да тәртипкә китерергә планлаштыралар.

Эшләрне сентябрь башына тәмамларга планлаштыралар. Ремонт вакытында балалар якындагы балалар бакчаларына таратылачак.