Түбән Камада 2023 елның меңенче баласы туган

Түбән Кама ЗАГСында бала туу турында меңенче акт теркәлде. Бу хакта оешманың матбугат хезмәте хәбәр итә.

Раил һәм Гөлнара Гайфуллиннар гаиләсендә туган кыз балага Ралина дип исем кушканнар.

Ата-ана Россия Федерациясе Дәүләт хезмәтләре порталында «Бала тууы» суперсервисын кулланып, тууны электрон рәвештә теркәүне сайлаганнар. Бу исә дәүләт хезмәтләренең шәхси кабинетында да, кәгазь форматта да юридик яктан әһәмиятле документны җиңел һәм тиз алырга мөмкинлек бирә.