Түбән Кама урамнарында декоратив куаклар һәм агачлар утырттылар

Түбән Каманың берничә урамында яңа үсемлекләр утырттылар. Бу хакта Түбән Кама районы башкарма комитеты җитәкчесенең торак-коммуналь хуҗалык буенча урынбасары Максим Парамонов хәбәр итә.

«Көз безне кояшлы көннәре белән сөендергән арада, «КПБ» МУП хезмәткәрләре шәһәр территорияләрен төзекләндерә», — дип яза ул.

Алты меңнән артык үсемлекне «Кояшлы алан» да, «Нефтехимиклар» паркында һәм Менделеев скверында, шулай ук Тынычлык-Вахитов проспектлары киселешендә, Төзүчеләр проспектында һәм Бызов урамында утырттылар.

Түбән Кама урамнарын кизильник, дерен, кызыл пузыреплодник, өрәңге һәм юкә агачлары бизәп торачак.