Түбән Кама районында юлларны ремонтлауга 300 млн сумнан артык акча бирелә

Түбән Кама районында юлларны төзекләндерүгә 303 млн сумга якын акча биреләчәк.

Тиешле мәгълүмат Дәүләт сатып алулары сайтында пәйда булды. Кичә подрядчы сайлау буенча ачык электрон конкурс башланды.

Барлыгы 1,250 км юлны ремонтларга, тагын 171 кв. м. юлга билге ясарга кирәк. Эшләрне тәмамлау вакыты — 2023 елның ахыры. 

Исегезгә төшерәбез, Түбән Камада Тынычлык проспектында һәм Вокзал урамында ремонт дәвам итә. Эшләр тәмамланганнан соң Төзүчеләр-Тынычлык проспекты боҗрасы буенча транспорт хәрәкәте схемасы үзгәрәчәк.