ТР атказанган артисты һәм скрипка дуэты: Түбән Камада чаралар афишасы басылды

3 августтан 6 августка кадәр Түбән Камада «Мәдәни мохит» программасы кысаларында шәһәр паркларында күңел ачу чаралары узачак. Бу хакта Түбән Кама муниципаль районы башкарма комитетының мәдәният идарәсе хәбәр итә.

Николай Лемаев исемендәге скверда:

• 3 август, 18:00 — «Зверокрекеры» мультфильмы;
• 5 август, 18:00 — «Шанс» иҗат берлегенең «СССРга сәяхәт» программасы белән чыгышы.

Габдулла Тукай исемендәге ял һәм уку паркында:

• 4 август, 18:00 — Казан артисты Рафаэль Якупов чыгышы.

«Гаилә» шәһәр паркында:

• 4 август, 18:00 — «Карнавал» курчак театрыннан перфоманс;
• 5 август, 18:00 — «Зверокрекеры» мультфильмы;
• 6 август, 15:00 — рәссам Кристиан Апостолның шәхси күргәзмәсе, «Destiny» скрипка дуэты чыгышы;
• 6 август, 17:00 — Казан артистлары Айнур Моратов һәм Илүзә Гайсина, ТР атказанган артисты Әлфис Галиулин чыгышы.