Түбән Каманың “Водоканал” АҖте җаваплылыкка тартылачак

2022 елның 11, 12, 15, 18, 21, 22, 27, 28 февральдә, шулай ук, 1, 13 һәм 14 мартта Сөембикә урамының 79-нчы һәм Менделеев урамының 47 нче йортлары кайнар судан мәхрүм калган. Гомумән алганда, 65 сәгать 10 минут кайнар су булмаган, бу законда билгеләнгән нормадан күбрәк.

Прокуратура тикшерүе нәтиҗәләре буенча, «Су-канализация һәм энергия белән тәэмин итү хуҗалыгы» («ВК и ЭХ») акционерлык җәмгыяте предприятиесенә карата РФ КоАП 7.23 маддәсе буенча административ эш кузгатылган.   

Бу хакта күзәтчелек ведомствосы матбугат хезмәте хәбәр итә.

Шул ук вакытта, «ПЖКХ-17» ИК директорына җитешсезлекләрне бетерергә кушканнар.