Татфондбанкның үзәк офисына иртәдән үк халык җыела

Бирегә килгән түбәнкамалыларны банктан хезмәт хакын алу, кертемгә салган акчаның язмышы һәм кредитларны түләү кебек сораулар борчый.

Бер атна элек банк эшен туктата. Бүген исә офислар ишекләре яңадан ачылды, әмма физик һәм юридик затларга консультация бирү өчен генә.

Татфондбанк белән бәйле хәл республика хөкүмәте күзәтчелегенә алынган. Шунысы да бар, бүген эшлекле киңәшмәдә Түбән Кама муниципаль район башлыгы Айдар Метшин банк акчаны 29 декабрьдән бирә башлаячагы турында искәртте. Кертемгә салган һәм юридик затлар өчен алдагы гамәлләр турында рәсми мәгълүмат якын арада матбугат чараларында биреләчәк.