Татарстанда Түбән Кама районы башлыгы белән туры эфир узачак

Татарстанда 18 июльдә Түбән Кама муниципаль районы башлыгы, Түбән Кама мэры Рамил Муллин белән онлайн-эфир узачак.

Чара 15.00дә башлана.

«Түбән Кама: нефть химиясе башкаласы ничек үсә» дигән темага туры эфир барышында түбәндәге мәсьәләләр каралачак:

• соңгы елларда Түбән Кама районы ничек үзгәрде;
• якын арада нинди проектлар тормышка ашырыла;
• Кама аша яңа күпер һәм урау автомобиль юлы кайчан ачылачак;
• туристлар өчен нинди тарту нокталары булдырылган.

Моннан тыш, үзләрен кызыксындырган сорауларны тамашачылар онлайн эфир вакытында бирә алачак.