Шимбә көнне Бөтендөнья ракка каршы көрәш көне үтте

Ул «Онкологик авыруларга каршы көрәш буенча халыкара берләшмә» тарафыннан игълан ителгән. Максаты - әлеге зур проблемага җәмгыятьнең игътибарын тарту. Түбәнкамалылар читтә калмый.

Яман шешкә каршы көрәш көне уңаеннан Бөтендөнья татар конгрессының Түбән Кама бүлеге кан җыю акциясен үткәрергә булалар. Изге эштә катнашырга теләүчеләр аз булмый.

Иртән кан тапшыру үзәгенә 30 якын түбәнкамалы килә. Иң элек табиблар кешенең сәламәтлеген тикшерә, аннары лабораториядә алдан ук канның төркеме һәм күрсәткечләре билгеләнә. Шуннан соң донорга карта ачыла. Бу көнне барлыгы 10 литрдан артык кан җыела.