Нәүрүзгә килегез

24 мартта иртәнге сәгать 10да Халык иҗаты йорты каршындагы мәйдан төрки халыкларның Нәүрүзен бәйрәм итүчеләрне үзенә җыячак.

Бәйрәмгә килүчеләр Нәүрүзгә багышланган театральләштерелгән тамаша һәм көндезге 3кә кадәр шәһәрдәге милли-мәдәни җәмгыятьләр һәи иҗат коллективлары катнашындагы концертны карый алачак. Биредә әзербайҗаннар һәм башкортлар үз уен-җыр түгәрәкләрен дә оештырырга җыеналар. Моннан тыш, җирле тажик милли-мәдәни җәмгыяте С.Сәйдәшев исемендәге музыка колледжының спорт залында үз милли көрәше буенча ярыш оештырырга ниятли.