Муллин ТР җитәкчеләренең медиаэффективлык рейтингында алтынчы позицияне саклап калды

Рамил Муллин 2023 елның II кварталы йомгаклары буенча Татарстан җитәкчеләренең медиаэффективлык рейтингында алтынчы урынны саклап калды.

Мәгълүматлар ПромРейтинг сайтында урнаштырылган.

Түбән Кама мэрының рейтингтагы позициясенә уңай йогынты ясаган вакыйгалар арасында: сәламәтлек мөмкинлекләре чикле балалар өчен стоматология һәм «База» арт-резиденциясе ачу, Мәктәп бульварын төзекләндерү, 6 меңнән артык агач үсентесе утырту, халык белән даими очрашулар үткәрү, Лисичанскига гуманитар йөк җибәрү һ. б. бар.

Муллинның позициясенә тискәре йогынты ясаган вакыйгалар: йорт подвалында кайнар суда пешеп үлгән сантехник белән булган фаҗига, социаль челтәрләрдә шәһәр халкының парковка урыннары җитмәвенә зарлануын кертергә була. Шулай ук 9 яшьлек кызның үлеменә китергән юл-транспорт һәлакәте һәм чаң кагу манарасындагы янгын да тискәре роль уйнаган.