Газета укучыбыздан бүләк

Киләсе елга «Туган як» газетасына язылу башланды. Беренчеләрдән булып түбәнкамалы Хәниф Нуриев килде. Һәм буш кул белән түгел - газета укучыларына бүләк итеп 20ләп китап китерде. Үзе әйтүенчә, шәһәрдәшләрне әдәбиятка җәлеп итәсе килә. Хәниф абый тарихи, документаль әсәрләр укырга ярата. Аңа 70 яшь, шәһәрдә ул инде 44 ел дәвамында яши, «Туган як»ны 50 елдан артык алдыра. Хатыны Нәгыймә апа белән алар һәр санны түземсезләнеп көтеп алалар һәм килүгә үк укып чыгалар. Алга таба да газетадан аерылмаска исәпләре.

Фотода: Х. Нуриев.