Балчыклы керәшеннәре Нардуганны уздырдылар

Ул Раштуадан соң башланып чумылдыру бәйрәменә кадәр бара. Йола буенча, нардуганчылар танымаслык итеп киенеп, йорттан йортка йөриләр, җырлап-биеп хуҗаларның күңелләрен күрәләр. Аларны ачык йөз, тәмле аш белән каршы алалар.

Гадәт буенча, нардуганчылар танымаслык итеп киенергә тиеш: монда убырлы карчык та, чегән хатыны да бар. Уен кораларыннан бары баян, калганнары көчле тавыш бирүче әйберләр. Боларның һәрнәрсәнең үз мәгънәсе бар.

Урамда суык һәм караңгы, әмма алар нардуганчыларны куркытмый, тавышлары ерактан ишетелә. Алар җырлап, биеп авыл урамнары буйлап уза.