Августта Түбән Камада берничә парк һәм сквер төзекләндереләчәк

Түбән Каманың берничә парк һәм скверын ремонт көтә, эшләрне августта башкару планлаштырыла. Түбән Кама районы Башкарма комитеты дәүләт сатып алулары порталында тиешле тендерны бастырды.

Ремонт яр буенда, «Семья», «Велики» паркларында, Тукай исемендәге паркта, Бакый Урманче скверында, Химиклар проспектында һәм Корабельная урамындагы киңлекләрдә башкарылачак.

Документлар нигезендә эшләр исемлегендә: фасадларны буяу, брусчаткаларны, агач япмаларны алыштыру, спорт һәм балалар мәйданчыкларын резина валчыклар нигезендә плиткалар белән түшәү, «Семья» һәм «Велики» паркларында, Лемаев скверында бәдрәфләрне ремонтлау.

Контракт буенча ремонт эшләре 15 августка кадәр башкарылырга тиеш.