Түбән Камада узган атнада 82 йөртүчегә автомобиль тонировкасы өчен штраф билгеләнгән

Түбән Камада узган атнада 190га якын машина йөртүче юл хәрәкәте кагыйдәләрен бозган өчен штрафка тартылган. Статистиканы шәһәрнең Дәүләт автоинспекциясе матбугат хезмәте хәбәр итте.

Инспекторлар мәгълүматлары буенча, 15 кеше исерек хәлдә машина йөрткән, аларның берсе кабат тотылган. Моннан тыш, биш кеше машинада балаларны йөртү кагыйдәләрен бозган, ә икесе таныклыгы булмаган килеш рульгә утырган.

Штрафларның иң күбесе иминлек каешын эләктермичә йөргән өчен билгеләнгән. Бу кагыйдәне бозучылар саны — 87. 

Җәяүлеләр дә юл кагыйдәсен күп бозган. Узган атнада инспекторлар тиешсез урында юлны кичкән өчен 46 җәяүлегә штраф билгеләгән.