Түбән Камада рейд вакытында 24 автобус йөртүчегә беркетмәләр төзелде

ДАИ хезмәткәрләре транспорт өлкәсендә күзәтчелек буенча Федераль хезмәт инспекторлары белән берлектә Түбән Кама юлларында рейд үткәрде.

Юл йөрү кагыйдәләрен бозган өчен 24 машина йөртүчегә карата административ беркетмәләр төзелде, автотранспорт предприятиеләренең вазифаи затларына карата 7 материал төзелде.

Линиягә төзексез автобуслар чыгаруның алты очрагы, машина йөртүчеләрнең хезмәт һәм ял режимын бозуның бер очрагы ачыкланган.

Алты машина йөртүче тахографсыз транспорт чарасы белән идарә иткән өчен административ җаваплылыкка тартылган, тугызы — куркынычсызлык каешын куллану кагыйдәләрен бозган өчен.

Якын арада мондый профилактик рейдлар дәвам итәчәк.