Түбән Камада өлкән яшьтәге шофер «зебра» да пенсионерны бәрдергән

Сишәмбе, 21 мартта, Түбән Каманың Гагарин урамында сәгать 13ләр тирәсендә «Рено Логан» машинасының 70 яшьлек шоферы җәяүлене бәрдерә.
Автомобиль тәгәрмәчләре астында калган 74 яшьлек хатын-кыз юлны «зебра» буйлап чыккан була.

Кулы сынган пенсионер ханым Түбән Кама район үзәк хастаханәсенә китерелә.

Авариянең сәбәпләре ачыклана, дип хәбәр иттеләр НТР 24 телеканалына шәһәр дәүләт автоинспекциясендә.

Фото: ТКМР буенча ЮХИДИ