Түбән Камада «Мотоцикл» операциясе башланды

7-13 август көннәрендә Түбән Кама районы территориясендә «Мотоцикл» оператив-профилактик чарасы узачак. Бу хакта район дәүләт автоинспекциясенең матбугат хезмәте хәбәр итә.

«Хөрмәтле шоферлар, мотоцикл белән идарә иткәндә, транспорт чарасының билгеләнгән тәртиптә теркәлгән булуын, ә шоферның тиешле категориясе булырга тиешлеген онытмагыз», — дип искә төшерә инспекторлар.

Моннан тыш, ЮХИДИда сөйләүләренчә, мотоцикл белән идарә иткәндә мотошлем һәм саклану чараларын кулланырга, ә юлга чыгар алдыннан мотоциклның техник торышын тикшерергә, барлык җитешсезлекләрне бетерергә кирәк.