Түбән Камада «Каршы як полоса» операциясе бара

Түбән Камада Дәүләт автоинспекциясе хезмәткәрләре «Встречная полоса» профилактик чарасын үткәрә. Шәһәрнең ЮХИДИ матбугат хезмәте хәбәр иткәнчә, ул 30 ноябрьгә кадәр узачак.

Операция барышында юл-транспорт һәлакәтләрен профилактикалау, каршы як хәрәкәт полосасына чыгу белән бәйле юл хәрәкәте кагыйдәләрен бозуны кисәтү чаралары үткәреләчәк.

Инспекторлар искә төшерә: юл хәрәкәте кагыйдәләрен бозып, каршы як полосага чыгу биш мең сумга кадәр штраф яки ярты елга кадәр машина йөртү хокукыннан мәхрүм итү белән җәзалана, дип искәртә. Ә кагыйдәне кабат бозган өчен гаеплегә бер елга машина йөртү таныклыгыннан мәхрүм итү яный.