Түбән Камада балигъ булмаган мотоциклчыларны тикшерү буенча рейдлар уза

Түбән Камада правасы булмаган килеш транспорт белән идарә итүче балигъ булмаганнарны тикшерәләр. Бу хакта шәһәр дәүләт автоинспекциясе матбугат хезмәте хәбәр итә.

Инспекторлар ата-аналарга балаларны күз уңында тотарга, мототранспорт ачкычларын алар ала алырлык җиргә куймаска кирәклеген искә төшерәләр.

«Шуны истә тотарга кирәк, балалар һәм яшүсмерләрнең транспорт чаралары белән идарә итү буенча кирәкле күнекмәләре юк, димәк, үзләренә генә түгел, ә юл хәрәкәтенең башка катнашучыларына да зыян китерергә мөмкиннәр», — диләр ДАИ хезмәткәрләре.

Моннан тыш, мондый хокук бозу өчен 30 мең сум күләмендә административ штраф бар. Ә инде балигъ булмаган машина йөртүче 16 яшькә җиткән икән, 15 мең сум штраф белән тагын бер административ материал төзелә.