Түбән Камада автобусларны тикшерәләр

Түбән Камада, бөтен Татарстандагы кебек үк, ЮХИДИнең автобусларны тикшерү буенча профилактик операциясе башланды.

Өченче майга кадәр шәһәрдә пассажир транспорты тикшереләчәк, дип хәбәр итә Дәүләт автоинспекциясенең матбугат хезмәте.

Инспекторлар пассажирлар йөртүгә рөхсәт булуны, автобусларның техник торышын, машина йөртүчеләрнең төрле таләпләрне үтәвен тикшерәчәк.

Моңа кадәр без бу елның беренче кварталында хокук бозган 406 җәяүлегә штраф билгеләнгән дип язган идек.