Полиция хәбәр итә

Түбән Кама хокук сакчылары «Пятерочка» кибетен (Кайманов урамындагы 9 нчы йорт) талауда гаепләнүчене эзли.  
Видеокамерада аның 20.36 сәгатьтә кибеткә кереп, кәрзин алып ашамлыклар белән тутыруы һәм чыгып китүе ачык күренә. Әшнәсе аны ишек төбендә көтеп торган. Бу очрак буенча ниндидер мәгълүмат булса, 8-917-874-77-79, 02, 112 номерларына шалтыратуыгыз сорала. Анонимлык гарантияләнә. 

Талаучыны тотканнар

«Шинчылар урамы» трамвай тукталышында урнашкан «Казначей» микрофинанслау офисын талаганнар. 
Билгесез адәм администраторга пычак белән янап, кәрәзле телефонын талап алган. Гаепләнүчене тиз арада тапканнар. 38 яшьлек ирнең өендә пычак та, урланган телефон да булган. Әлеге адәм караклык өчен моңа кадәр дә  хөкем ителгән.