Бер атна эчендә Түбән Камада 12 исерек шофер тоткарланган

Узган атнада Түбән Кама дәүләт автоинспекциясе хезмәткәрләре 12 исерек шоферны тоткарлаган.

Ике тоткарланган кешегә карата исерек хәлдә кабат руль артына утырган өчен җинаять эше кузгату мәсьәләсе хәл ителә.

Моннан тыш, җәяүлеләргә юл бирмәгән машина йөртүчеләргә карата 20дән артык административ материал төзелгән, юл кагыйдәләрен бозган 82 җәяүлегә штраф салынган.

Балигъ булмаганнарны йөртү кагыйдәләрен үтәмәгән өчен — 30дан артык, тонировка өчен — 42, каршы як полосага чыккан өчен 10 шофер җаваплылыкка тартылган.