Бала гомере кадерлеме, "мөһим" эшләрме?

Бала тәне олылар белән чагыштырганда өч-биш тапкыр тизрәк җылынуын һәм суынуын белә идегезме? Нибары 10 минут эчендә автомобиль эчендә температура – 20 градуска, бер сәгатьтә 40 градуска арта. Урамда нибары 20 градус булып, машина тәрәзәләре бераз ачылган булса да, шул ук хәл күзәтелә. Ә тулысынча ябылган автомобиль җәен берничә минут эчендә – «мич»кә, кышын «cуыткыч»ка әйләнә. Димәк бала я куркынычсызлык каешларына буталып, я кулын ачылган тәрәзәгә чыгарып, я егылып төшеп җәрәхәтләнергә мөмкин.
Кул тормозыннан ычкындырса, машина юлга чыгарга мөмкин. Автомобиль эчендә электр чыбыгы янмас, төтен чыкмас, дип кем гарантия бирә ала?
Бу урында китергән саннар ата-аналарны уйланырга мәҗбүр итәр, бәлки. Статистика буенча, дөньяда 10 көн саен машинада ялгыз калган бала үлә. Кайбер илләрдә моның өчен җинаять җаваплылыгы да каралган. Россиядә дә җәза каралган. Канун буенча, 7 яшьтән кечерәк баланы машинада үзен генә калдыру тыела. Кагыйдәләрне үтәмәгән өчен штраф, хәтта төрмә каралган. Тик бернинди җәза баланы кайтара алмаячагын истә тотыгыз!