Түбән Камада «Тоннель» профилактик операциясе барышында 26 хокук бозу ачыкланган

ЮХИДИ 27 сентябрьдә Түбән Камада узган «Тоннель» профилактик операциясенә нәтиҗә ясады.

Рейд вакытында 26 йөртүчегә карата административ беркетмә төзелде. 

Иң күп хокук бозу очраклары — куркынычсызлык каешын эләктермәү (7) һәм тонировка (4) белән бәйле. 

Өч автомобильченең машинасында дәүләт номерлары укылмый, тагын өчесенең машиналары төзек булмаган.

Шулай ук 1 очракта ОСАГО таләпләрен бозу һәм баланы автокреслосыз йөртүнең бер факты ачыкланган.