Түбән Камада бер атна эчендә 150дән артык машина йөртүче юл хәрәкәте кагыйдәләрен бозган

Түбән Кама дәүләт автоинспекциясе хезмәткәрләре узган атнада юл хәрәкәте кагыйдәләрен бозу статистикасын бастырды. Бу хакта ЮХИДИ матбугат хезмәте хәбәр итә.

Шулай, 11 исерек йөртүчене транспорт чарасы белән идарә итүдән читләштергәннәр. 86 машина йөртүче куркынычсызлык каешын эләктермәгән һәм балигъ булмаган пассажирларны йөртү кагыйдәләрен бозган өчен 54 кеше җаваплылыкка тартылган.

Шул ук вакытта 19 җәяүле юл хәрәкәте кагыйдәләрен бозган өчен штраф алган.

«Машина руле артына утырып, сез үз тормышыгыз өчен генә түгел, ә юл хәрәкәтендә катнашкан башка кешеләрнең тормышы өчен дә җаваплы», — дип искәрттеләр дәүләт автоинспекциясендә.